Zəlzələnin mərkəzi Qeraş şəhərindən 64 kilometr cənub-şərqdə, yerin 10 kilometr dərinliyində qeydə alınıb

İranın cənubunda 5.5 ballıq zəlzələ baş verib.

ANS-in Rusiya mətbuatına istinadən verdiyi məlumata görə, bu informasiyanı Avropa-Aralıq dənizi seysmoloji mərkəzi yayıb.

Zəlzələnin mərkəzi Qeraş şəhərindən 64 kilometr cənub-şərqdə, yerin 10 kilometr dərinliyində qeydə alınıb. 

İran tele-kanalları xəbər verir ki, Hörmuzqan əyalətində 5,5 ballıq zəlzələdən sonra 4,3 bal gücündə daha bir zəlzələ baş verib. 

Son məlumatlara görə, zəlzələ nəticəsində 1 nəfər ölüb, 12 nəfər yaralanıb. Hörmuzqan əyalətinin Bəstək şəhərində evlərə ziyan dəyib.