Ermənistan ordusu işğal etdiyi Azərbaycan torpaqlarında yanğınlar törətməkdə davam edir.

ANS-in bölgə müxbirinin verdiyi məlumata görə, axşam saatlarında cəbhənin Tərtər istiqamətində qoşunların təmas xəttində başlayan yanğın geniş əraziyə yayılıb. 

Qısa müdət ərzində alov Azərbaycanın nəzarətində olan hissəyə keçib. Əraziyə FHN-nin Tərtər rayon yanğından mühafizə hissəsinin əməkdaşları cəlb edilib. Yanğın neytrallaşdırılaraq, yaxınlıqdakı taxıl sahələrinə keçməsinin qarşısı alınıb. 

Yanğının baş verdiyi ərazidən xeyli sayda vəhşi heyvan alovdan qaçaraq yaxınlıqdakı yaşayış məntəqələrinə keçib. 

Saat təqribən 00:30 radələrində yanğın tamamilə söndürülüb.