Rus jurnalist Biryulevo hadisələrində erməni izi olduğunu bildirib

Maksim Şevçenkonun bəyanatının Moskvada azərbaycanlılarla ermənilər arasında münaqişəyə səbəb ola biləcəyi deyilir

Rus jurnalist Maksim Şevçenko Biryulevo rayonundakı hadisələrdə erməni izi olması barədə bəyanatla çıxış edib. ANS PRESS-in məlumatına görə, jurnalist Maksim Şevçenko "Exo Moskvı" radiostansiyasının "Osoboe mnenie" proqramında qonaq olarkən "Russkie" hərəkatının lideri Dmitri Demuşkinlə birlikdə Biryulevadakı iğtişaşlarında təxribatçılar arasında erməniləri gördüklərini bildirib.

Rusiya mətbuatında isə jurnalistin bəyanatının Moskvada millətlərarası münaqişəyə gətirib çıxaracağı və bunun faciəvi nəticələrinin olacağı barədə yazılar dərc olunmağa başlayıb.

Xatırladaq ki, oktyabrın 12-si Yeqor Şerbakov adlı şəxsin öldürülməsindən sonra 40 nəfər Biryuleva rayonundakı "Biryuza" ticarət mərkəzinə hücum çəkmişdi. Həmin şəxslər yerli hüquq-mühafizə orqanları əməkdaşlarını fəaliyyətsizlikdə ittiham edərək cinayətkarın "Biryuza" ticarət mərkəzində gizləndiyini bildiriblər.

OMON-la sonradan sayları artan şəxslər arasında qarşıdurma yaranmışdı. İğtişaşlarda 200 nəfərdən çox adam saxlanılmışdı.

əsas linklər